У Валожынскім раёне перакуліўся трактар, з кабіны ратавалі двух чалавек ФОТАФАКТ
06.02.2018 / 10:53
mchs.gov.by
Яны не маглі выбрацца без дапамогі МНС.
Здарэнне адбылося днём 5 лютага. У вёсцы Манькаўшчына Валожынскага раёна з'ехаў у кювет і перакуліўся трактар.
Спатрэбілася дапамога, каб дастаць з-пад яго людзей.
Калі выратавальнікі былі на месцы, у трактары былі двое: кіроўца і пасажыр. Для дэблакіроўкі спатрэбіўся гідраўлічны інструмент. Мужчыны не пацярпелі.
Паводле папярэдніх дадзеных, трактарыст не справіўся з кіраваннем.