МВФ: доля ценявой эканомікі ў Беларусі дасягае 32,37%
На ценявую эканоміку Беларусі прыпадае каля 32,37% ВУП. Пра гэта сведчыць даклад Міжнароднага валютнага фонду (МВФ), падрыхтаваны эканамістамі Леандра Медынай з афрыканскага дэпартамента фонду і Фрыдрыхам Шнэйдэрам з Універсітэта Кеплера.
09.02.2018 / 20:53
Эканамісты прааналізавалі ценявы сектар эканомікі ў перыяд з 1991 года па 2015 год, сярэдні ўзровень у Беларусі склаў 44,52% ВУП. Пік прыйшоўся на 1995 год, калі ў цені знаходзілася 53,57% эканомікі, мінімальнае значэнне прыходзіцца на 2012 год — 32,29% ВУП.
У краінах ЕС аналагічны ўзровень ценявой эканомікі назіраецца толькі ў Румыніі і Балгарыі. У развітых краінах, напрыклад ЗША, Японіі і Швейцарыі ў цені знаходзіцца не больш за 7 адсоткаў ВУП краін.