ZŠA zrobiać bolš žorstkimi sankcyi suprać Rasii
14.02.2018 / 21:54
Ministerstva finansaŭ ZŠA prapracoŭvaje sankcyi ŭ dačynieńni da aliharchaŭ i dziaržaŭnych dziejačaŭ, jakija zhadanyja ŭ adkrytaj častcy «kramloŭskaha dakładu», zajaviŭ kiraŭnik viedamstva Styvien Mnučyn na słuchańniach kamiteta pa finansach sienata ZŠA.
«My aktyŭna pracujem nad rasijskimi sankcyjami, jakija stanuć vynikam adkrytaj častki dakładu», — paviedamiŭ ministar.
Napiaredadni vydańnie Politico pisała, što Kardzin i dva inšyja sienatary-demakraty padrychtavali prajekt rezalucyi z zaklikam da prezidenta ZŠA Donalda Trampa zrabić bolš žorstkimi sankcyi suprać Maskvy. Palityki abvinavacili Bieły dom u niesurjoznym staŭleńni da «kramloŭskaha dakładu».
Kramloŭski dakład, jaki źmiaščaje źviestki ab vysokapastaŭlenych słužbovych asobach i bizneśmienach Rasii, byŭ pradstaŭleny kanhresu 29 studzienia. Častka jaho zasakrečanaja. Publičnaja častka — śpis z čynoŭnikaŭ, deputataŭ, a taksama rasijskich bizneśmienaŭ, bahaccie jakich pieravyšaje $ 1 miljard. Usiaho ŭ śpisie 210 čałaviek.