U Hrodnie z-za atručvańnia čadnym hazam patanuła šaścikłaśnica

20.02.2018 / 12:47

U paniadziełak pozna viečaram u reanimacyju abłasnoj dziciačaj kliničnaj balnicy pastupiła 12-hadovaja dziaŭčynka. Papiaredni dyjahnaz: stan paślakliničnaj śmierci, patapleńnie, atručeńnie čadnym hazam, paviedamlaje «Hrodzienskaja praŭda».

Jak akazałasia, školnica myłasia ŭ vannaj, papiarednie uklučyŭšy hazavuju kałonku. Jak miarkujecca, atruciłasia čadnym hazam, straciła prytomnaść i zachłynułasia. Rabotniki chutkaj dapamohi reanimavali dziciaci i ŭ ciažkim stanie špitalizavali jaje. U aŭtorak školnica pamierła.

Śpiecyjalisty miarkujuć, što da trahiedyi mahła pryvieści niedastatkovaja ciaha ŭ vientylacyjnym kanale i kominie hazavaha vodanahravalnika ŭ vannym pakoi.