15 sakavika — vialiki kancert pamiaci Michała Aniempadystava: sabranyja hrošy pojduć na pomnik jamu

Kłub «Bruhie» (pr.Partyzanski, 6a). Pačatak a 19.00.

14.03.2018 / 10:07

Muzyki roznych pakaleńniaŭ vykanajuć pieśni na vieršy biełaruskaha paeta, jaki sioleta zaŭčasna pajšoŭ u inšy śviet. U kancercie voźmuć udzieł Lavon Volski, Ihar Varaškievič, Kasia Kamockaja, Źmicier Vajciuškievič, Alaksandr Rakaviec z IQ48, hurty MorkvoĆviet i Harotnica.

Tyja, chto lubiŭ i šanavaŭ paeta, admysłova rychtujucca da hetaj padziei. Upieršyniu za doŭhi čas u aryhinalnym hučańni sa sceny buduć zajhranyja daŭnija chity hurtoŭ «Novaje Nieba», N.R.M., «Bonda» aŭtarstva Michała, adnosna śviežyja pieśni na jahonyja vieršy ŭ vykanańni IQ48 i Źmitra Vajciuškieviča, a taksama zusim novyja tvory ad hurtoŭ MorkvoĆviet i Harotnica. 

Da zhadanych vykanaŭcaŭ dałučycca muzyčny skład pad kiraŭnictvam Alesia-Franciška Myškieviča, vijałančelistka Julija Hłušyckaja, a vieści imprezu budzie Alaksandr Pamidoraŭ. Ładzić kancert partał TuzinFM.by. Afišu mierapryjemstva zrabiła žonka paeta, Alena Daškievič.

Top-12 piesień Michała Aniempadystava

«Niahledziačy na takuju sumnuju nahodu, chočacca zrabić nie žałobnaje mierapryjemstva, a dobry rokavy kancert. Taki, jaki b spadabaŭsia b samomu Michału», — kaža kiraŭnik TuzinFM Siarhiej Budkin.

Prahrama Belsat Music Live pamiaci Michała Aniempadystava

Hrošy za kvitki buduć pieraličanyja siamji Michała Aniempadystava na budučy pomnik tvorcu.

Kancert u «Bruhie» projdzie napiaredadni jaho dnia narodzinaŭ. Sioleta Michału spoŭniłasia b 54 hady. Jon pajšoŭ u inšy śviet 24 studzienia 2018 hoda.

Kvitki ŭžo možna nabyć na Bezkassira.by. 

Daviedki: +375 29 687-20-93.