Fanaty «Spartaka» zładzili biesparadki ŭ Bilbaa pierad matčam Lihi Jeŭropy, pamior palicyjant FOTY
23.02.2018 / 06:31
Zaŭziatary maskoŭskaha «Spartaka» i fanaty «Atletyka» ź Bilbaa pierad pačatkam matča Lihi Jeŭropy zładzili sutyknieńni na vulicach horada. Paźniej jany pieraraśli ŭžo ŭ sutyknieńni z palicejskimi.
Pa papiarednich dadzienych, paciarpieli try čałavieki, palicyja zatrymała piaciarych fanataŭ «Spartaka».
Napiaredadni miascovyja zaŭziatary praviali «antyfašysckaje šeście» z-za pryjezdu ŭ horad hrupy padtrymki maskoŭskaj kamandy. U akcyi ŭdzielničali kala 250 čałaviek.
Kiraŭnik futbolnaj lihi Ispanii Chaŭjer Tebas zajaviŭ, što «suprać hvałtu ultras treba prajavić siłu, nielha zdavacca, treba zrabić usio mahčymaje, kab źniščyć jaho raz i nazaŭždy», — skazaŭ jon.
Akramia taho, pa dadzienych Reuters, palicejski, jaki braŭ udzieł va ŭcichamirvańni zaŭziataraŭ, pamior ad sardečnaha prystupu.
U pieršaj sustrečy 1/16 finału Lihi Jeŭropy, u Maskvie, «Spartak» prajhraŭ ź likam 1:3. U Bilbao 22 lutaha adbyłasia matč u adkaz. «Spartaku» ŭdałosia pieramahčy ŭ haściach ź likam 2:1, adnak pa vynikach dvuch matčaŭ u nastupny etap prajšoŭ «Atletyk».