Kola Łukašenka vystupaŭ na «Śniežnym snajpiery» ź imiannoj vintoŭkaj koštam 3500 dalaraŭ
04.03.2018 / 14:27
Jak vynikaje z fotavyjaŭ strałkovaha rubiaža «Raŭbičy» padčas praviadzieńnia dziciačych spabornictvaŭ «Śniežny snajpier», Kola Łukašenka vystupaŭ na turniry ź imiannoj vintoŭkaj «Anšutc» 1827 sistemy Fortniera, košt jakoj pačynajecca z 3500 dalaraŭ.
Heta elitnaja madel bijatłonnaj vintoŭki (jaje jašče nazyvajuć «Tryumf chutkaści»), jakoj u svoj čas karystalisia takija zorki suśvietnaha bijatłona jak niemcy Ryka Hros, Michael Hrajs, Katryn Apiel, Andrea Chienkiel, Ušy Dyzl, Mahdalena Nojnier, narviežac Ule Ejnar Bjorndalen, francuz Rafael Puare.
Vintoŭka «Anšutc» 1827F aficyjna ŭniesiena ŭ katałoh uzbrajeńniaŭ armii Hiermanii pad paznačeńniem G35 u jakaści štatnaj zbroi spartsmienaŭ bundeśviera, jakija składajuć asnovu niamieckaj nacyjanalnaj zbornaj pa bijatłonie.
Usia inšaja zbroja biez apaznavalnych znakaŭ na miažy ŭ «Raŭbičach» - heta małakalibiernyja vintoŭki madeli BI 7-4, vyrablenyja na Ižeŭskim zavodzie «Ižmaš».
Fota: Darja Burakina, TUT.BY