Washington Post daviedałasia pra płany ZŠA nanieści novy ŭdar pa armii Asada

06.03.2018 / 06:10

Pablo Martinez Monsivais / AP

Jak paviedamlaje hazieta Washington Post, prezident Donald Tramp paprasiŭ razhledzieć mahčymy adkaz na prymianieńnie uradavaj armijaj chimičnaj zbroi pad Damaskam. Heta pytańnie abmiarkoŭvałasia na sustrečy kiraŭnika Biełaha doma ź ministram abarony Džymam Metysam, a taksama daradcam pa nacyjanalnaj biaśpiecy Hierbiertam MakMasteram. Kančatkovaje rašeńnie, adnak, nie pryniata.

Pa słovach surazmoŭcy haziety, Metys vykazaŭsia suprać ŭdaru pa armii Asada, tady jak MakMaster byŭ za jaho. Pry hetym aficyjna ŭ Pientahonie śćviardžajuć, što Metys zusim nie prysutničaŭ na abmierkavańni.

Paviedamleńni ab prymianieńni chimičnaj zbroi va Uschodniaj Hucie źjavilisia 25 lutaha. Tamtejšyja daktary śćviardžali, što ŭ cełaha šerahu pacyjentaŭ byli simptomy atručvańnia chłoram, a adno dzicia ŭ vyniku pamierła.

Rasija i Siryja kateharyčna abviarhajuć prymianieńnie uradam Asada bajavych atrutnych rečyvaŭ.