Tery ŭ Miensk nie pryjedzie

Kapitan zbornaj Anhlii Džon Tery prapuścić adboračny matč z Kazachstanam i, napeŭna, nie pryjedzie ŭ Miensk na hulniu sa zbornaj Biełarusi.

09.10.2008 / 11:38

Kapitan zbornaj Anhlii i londanskaha «Čełsi» Džon Tery nie zhulaje ŭ adboračnym matčy da čempijanatu śvietu pa futbole — 2010 sa zbornaj Kazachstanu, što projdzie ŭ subotu na Uembli.

Taksama pad sumnievam jahony pryjezd u Miensk, na matč sa zbornaj Biełarusi, što adbudziecca 15 kastryčnika.

Džon Tery ŭziaŭ udzieł va ŭčorašniaj treniroŭcy anhlijskaj zbornaj, adnak skončyŭ jaje ŭžo praz 20 chvilin. Pryčyna — boli ŭ śpinie. Pakinuŭ treniroŭku taksama i Emił Cheski.

Chutčej za ŭsio Džej Ci vierniecca ŭ trenirovačny lahier «Čełsi», dzie budzie prachodzić reabilitacyju.

Dž.Tery hulaŭ z bolami ŭ śpinie ŭ matčy Lihi čempijonaŭ z ČFR (Kłuž, Rymynija) i ŭ niadzielnym matčy suprać «Astan Viły».

Fabijo Kapeła nie mierkavaŭ stavić jaho na matč z Kazachstanam, ale vykarystać u «składanaj hulni» suprać Biełarusi.

Kapitanam zbornaj Anhlii ŭ matčach z Kazachstanam i Biełaruśsiu budzie abaronca «Mančestar Junajted Ryo Ferdynand.

Pavodle timesonline.co.uk