U ZŠA na ludziej abvaliŭsia novazbudavany most

U amierykanskim horadzie Majami abrynuŭsia piešachodny most praz adnu z tras. Pa papiarednich dadzienych, achviarami stali niekalki čałaviek, paviedamlaje telekanał NBC News.

15.03.2018 / 22:12

Most da abvału nie funkcyjanavaŭ, jaho adkryćcio płanavałasia ŭ pačatku nastupnaha hoda. Pa zadumcy haradskich uładaŭ, jon pavinien byŭ dapamahčy biaśpiečna dabiracca dzieciam u miascovuju škołu.

Paviedamlajecca, što architektary sprajektavali most takim čynam, što jon pavinien byŭ vytrymlivać urahannyja viatry. Jon važyŭ 950 ton i mieŭ daŭžyniu 52 mietry. Košt budaŭničych rabot skłaŭ 11,4 miljona dalaraŭ.