U piku vizitu Papy ŭ Vilniu mitrapalit Pavieł źbirajecca pryvieźci patryjarcha Kiryła ŭ Minsk
20.03.2018 / 21:30
Na pres-kanfierecyi 20 sakavika Mitrapalit Pavieł skazaŭ žurnalistu Tut.by, što na vosień zapłanavany vizit Patryjarcha Kiryła i inšych udzielnikaŭ Sinoda RPC u Minsk.
«Pryjezd čakajecca 13 kastryčnika. Pakul płan nie zaćvierdžany, mahčyma, 15 kastryčnika budzie pasiedžańnie Śviaščennaha Sinoda», — skazaŭ Pavieł i padkreśliŭ, što heta stanie pieršym u historyi pasiedžańniem Sinoda ŭ Biełarusi.
Jak stała viadoma «Našaj Nivie», mierkavany pryjezd patryjarcha Kiryła rychtujecca jak svojeasablivy adkaz RPC na vizit Papy Franciška ŭ Litvu, jaki, nahadajem, adbudziecca 22—25 vieraśnia.
«Dla Paŭła, jaki dahetul słužyŭ u Razani, dzie niama nivodnaha katalika ci pratestanta, pieravod u Minsk staŭ vialikim stresam. Tut jon ubačyŭ, što ŭpłyŭ inšych kanfiesij vialiki, što treba być dypłamatam. Ale heta vychodzić ciažka, kali vychodzić uvohule. A tut i vizit Papy. Jaho zapałochvajuć, što dziasiatki tysiač biełarusaŭ pajeduć u Litvu, i jon, u ramkach svajho razumieńnia, choča zładzić anałahičnaje pałomnictva da Patryjarcha — pažadana, z bolšaj kolkaściu biełaruskich viernikaŭ, čym heta budzie ŭ Papy», — skazali nam krynicy ŭ carkoŭnym asiarodku.
Mitrapalit Pavieł.
«U Paŭła vialikija płany adnosna Biełarusi, i jość vialikaje supraćdziejańnie hetym płanam z boku častki biełaruskaha duchavienstva. Takim čynam, jon taksama choča ŭzmacnić svaje pazicyi z pryjezdam Patryjarcha, mahčyma, zaručycca padtrymkaj u niejkich kadravych rašeńniach. Choć rasijski Sinod u Biełarusi — heta, u pryncypie, nonsens, u nas ža jość svoj Sinod», — dadała krynica.