Minskim ratavalnikam načalstva raić nie chadzić na Dzień Voli, «kab nie dapuścić pravakacyj u adnosinach da ich»
23.03.2018 / 16:21
U siecivie z’iaviŭsia skrynšot dakumienta za podpisam načalnika staličnaha MNS Siarhieja Sałanoviča.
U telefanahrammie paviedamlajecca, što Dzień Voli — nie aficyjnaje śviata, tamu, kab «paźbiehnuć pravakacyj i nie dapuścić antydziaržaŭnaj rytoryki», kiraŭnikoŭ padraździaleńniaŭ MNS prosiać pravieści hutarki z padnačalenymi, kab tyja nie prymali ŭdzieł u mierapryjemstvie.
Ci sapraŭdnaja hetaja telefanahramma, pakul nieviadoma. U pryjomnaj Sałanoviča paviedamili, što jon naŭrad ci budzie štości kamientavać i paraili źviarnucca da pres-sakratara. Ale pres-sakratarka minskaha ŭpraŭleńnia MNS Volha Mielčanka tak i nie źniała słuchaŭku.