Жыхар Жабінкі загінуў ад удару токам падчас рамонту ў доме цешчы

29.03.2018 / 11:41

У Жабінцы высвятляюць абставіны гібелі ў ходзе рамонту мясцовага жыхара, паведаміў БелТА афіцыйны прадстаўнік УСК па Брэсцкай вобласці Дзмітрый Іванюк.

Няшчасны выпадак адбыўся 28 сакавіка прыкладна ў 17.50. Па дадзеных следства, мужчына 1965 года некалькі дзён рабіў рамонт у кватэры 80-гадовай цешчы.

Прыбіваючы будаўнічым стэплерам да падлогі кабель, падлучаны да электрасеткі, ён быў смяротна траўмаваны токам.