Žychar Žabinki zahinuŭ ad udaru tokam padčas ramontu ŭ domie cieščy

29.03.2018 / 11:41

U Žabincy vyśviatlajuć abstaviny hibieli ŭ chodzie ramontu miascovaha žychara, paviedamiŭ BiełTA aficyjny pradstaŭnik USK pa Bresckaj vobłaści Dźmitryj Ivaniuk.

Niaščasny vypadak adbyŭsia 28 sakavika prykładna ŭ 17.50. Pa dadzienych śledstva, mužčyna 1965 hoda niekalki dzion rabiŭ ramont u kvatery 80-hadovaj cieščy.

Prybivajučy budaŭničym stepleram da padłohi kabiel, padłučany da elektrasietki, jon byŭ śmiarotna traŭmavany tokam.