Łukašenka: Sała — najlepšy dopinh

29.03.2018 / 13:09

Charčavańnie spartsmienaŭ — adzin z najvažniejšych składnikaŭ ich pravilnaj padrychtoŭki. Pra heta Alaksandr Łukašenka zajaviŭ siońnia ŭ čas razmovy z alimpijskimi i paralimpijskimi čempijonami krainy, piša BiełTA.

Razam z tym kiraŭnik dziaržavy zaŭvažyŭ, što hetyja pytańni nie zaŭsiody pravilna rehulujucca dyjetołahami, treniery taksama nie sočać za spartoŭcami. «Jak jany buduć vystupać? Heta ž nienarmalna, — skazaŭ jon. — Sała vam treba trymać na etapach Kubka śvietu ŭ chaładzilniku, narmalny kavałak sała, kab vy mahli paśla startu, zabiehu, ciažkaj treniroŭki kavałak sała i čornaha biełaruskaha chleba źjeści, a nie pončyki i maroziva. Narmalnaje charčavańnie dla spartsmienaŭ — heta pytańnie numar adzin».

«Voś sała — heta najlepšy biełaruski dopinh», — dadaŭ Alaksandr Łukašenka.