АНТ адкрые карпункт у Брусэлі

30.03.2018 / 14:21

Тэлеканал АНТ адкрывае карэспандэнцкі пункт у Брусэлі. Ён пачне працу ў канцы красавіка.

Перамовы і ўзгадненні па лініі МЗС і еўрапейскіх структур працягваліся восем месяцаў.

«Мы будзем першай беларускай здымачнай групай, акрэдытаванай па ўсіх правілах, — адзначыў у інтэрв'ю «Звяздзе» кіраўнік дырэкцыі інфармацыйнага вяшчання АНТ Руслан Паддубскі. — Спадзяюся, прысутнасць непасрэдна на месцы дазволіць аб'ектыўна перадаваць еўрапейскую палітыку дня, разбураць існуючыя стэрэатыпы пра нашу краіну і шырэй асвятляць розныя аспекты супрацоўніцтва Беларусі з еўрапейскімі краінамі».