U Biełarusi 40 vypadkaŭ adru — u troch abłaściach

03.04.2018 / 12:02

U Biełarusi kala 40 vypadkaŭ adru, jany zafiksavanyja ŭ Hrodzienskaj, Bresckaj i Homielskaj abłaściach. Pra heta žurnalistam raspaviała namieśnik načalnika addzieła hihijeny, epidemijałohii i prafiłaktyki Ministerstva achovy zdaroŭja Ina Karaban, piša Tut.by.

U Homielskaj vobłaści zarehistravana 11 vypadkaŭ adru, u Bresckaj — 1, u Hrodzienskaj — 28 vypadkaŭ.

Nahadajem, što pieršy vypadak adru ŭ krainie vyjavili ŭ Vaŭkavysku ŭ piacihadovaj dziaŭčynki ŭ kancy lutaha. Jana nie była pryščeplenaja, bo baćki admovilisia ad vakcynacyi. Pa słovach Iny Karaban, krynicu infiekcyi tak i nie znajšli. Heta značyć dzicia dzieści mahło prakantaktavać z čałaviekam z prykmietami VRVI. Adzior u pačatku zachvorvańnia prajaŭlajecca jak na VRVI i nichto nie zapadozryć adzior, kali čałaviek nie byŭ za miažoj.

U Vaŭkavysku apošni raz vypadak adru fiksavali 17 sakavika, z tych časoŭ novych faktaŭ u Hrodzienskaj vobłaści nie było. Virus, jaki vyjavili ŭ Vaŭkavysku, raniej nie cyrkulavaŭ u našaj krainie. U Homielskuju vobłaść virus patrapiŭ z Adesy. Tam z siamjoj adpačyvaŭ pieršy chvory, jon žychar Žłobina.