Navukoŭcy: prodki čałavieka pačali chadzić na dźviuch nahach 4 miljony, a nie 500 tysiač hod tamu
Prodki čałavieka mahli chadzić na dźviuch nahach bolš za 4 miljony hadoŭ tamu, to bok našmat raniej za ahulnapryniatie ŭjaŭleńnie pra evalucyju. Pra heta śviedčać vyniki pracy daśledčycy Univiersiteta Ńju-Jorka Ełajn Kazma, apublikavanyja ŭ časopisie Proceedings of the National Academy of Sciences.
04.04.2018 / 12:21
Analiz reštkaŭ škileta Ardipithecus ramidus uzrostam da 4,4 miljona hadoŭ pakazaŭ, što hety staražytny haminid moh, jak i sučasny čałaviek, chadzić na dźviuch nahach.
Navukoŭcy tradycyjna miarkujuć, što staražytnyja prodki ludziej, takija jak aŭstrałapitek Lusi, jaki žyŭ 3,1 miljona hadoŭ tamu, nie byli prystasavanyja da chadžeńnia na dźviuch nahach, bo ŭsio jašče praciahvali žyć pieravažna na drevach. Pavodle teoryi antrapahieniezu, čałaviek pramachodziačy, abo Homo erectus, źjaviŭsia ŭ pieryjad ad 1,4 miljona hadoŭ da 500 tysiač hadoŭ tamu.
U svaju čarhu novaje daśledavańnie pakazvaje, što zdolnaść chadzić na dvuch nahach nie zamianiała inšyja zdolnaści staražytnych mlekakormiačych, a raźvivałasia paralelna.