Sakavik 2018. Rejtynh naviedvalnaści biełaruskich infarmacyjnych sajtaŭ LIČBY
05.04.2018 / 11:52
«Naša Niva» publikuje abnoŭleny rejtynh papularnaści biełaruskich infarmacyjnych internet-resursaŭ za sakavik 2018 hoda.
Fota Siarhieja Hudzilina.
Hety śpis bazujecca na adkrytych źviestkach partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, za sakavik «Naša Niva» mieła 9 122 500 prahladaŭ.
Inšyja ličylniki dajuć dla «Našaj Nivy» suvymiernyja ličby. Pavodle Google Analytics, kolkaść prahladaŭ adroźnivałasia na 7,3%.
I sioletni, i letašni sakavik vyznačylisia vialikaj hramadskaj aktyŭnaściu. Intares aŭdytoryi da niezaležnych ŚMI rezka ŭzrastaŭ, časam až na tracinu. Taksama varta ŭličvać, što sakavik na try dni daŭžejšy za luty, tamu ličby prahladaŭ mahli pavialičvacca chacia b tolki z hetaj nahody.
Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca. Taksama sistema nie ŭličvaje prahlady tak zvanych AMP-staronak.
Ułaśniki niekatorych sajtaŭ dałučajuć da svajho profila ŭ Similarweb akaŭnt Google Analytics. U takim razie možna pahladzieć dadzienyja ab prahladach ad abiedźviuch sistem. Adnak rejtynh my farmirujem tolki pa ličbach ad Similarweb.
Udakładnim, što ŭ śpis uklučanyja tolki sajty, redakcyi jakich mieściacca ŭ Biełarusi.
Kolkaść prahladaŭ staronak pavodle dadzienych SimilarWeb za sakavik 2018 hoda, miljonaŭ
| № | Srodak masavaj infarmacyi | prahlady staronak (u miljonach) |
| 1 | Navinnyja padraździeły Tut.by — naviny, finansy, aŭto, sport, ledzi, 42, nieruchomaść, afiša | 114,45 |
| 2 | Navinnyja padraździeły Onliner.by — ludzi, nieruchomaść, aŭto, technałohii | 38,96 |
| 3 | NN.by / Naša Niva | 9,12 |
| 4 | Pressball.by / Priessboł (biez uliku forumu) | 7,18 |
| 5 | Kp.by / Komsomolskaja pravda v Biełarusi | 6,27 |
| 6 | By.tribuna.com / Trybuna | 4,48 |
| 7 | Belta.by / BiełTA | 4,27 |
| 8 | Belaruspartisan.by / Biełorusskij partizan | 4,26 |
| 9 | Gazetaby.com / Salidarnaść | 3,89 |
| 10 | Sputnik.by / Sputnik Biełaruś | 3,86 |
| 11 | Udf.by | 3,82 |
| 12 | S13.ru (Hrodna) | 3,74 |
| 13 | Gomel.today / Silnyje Novosti (Homiel) | 3,59 |
| 14 | Naviny.by / Naviny | 3,46 |
| 15 | Sb.by / Sovietskaja Biełoruśsija | 3,25 |
| 16 | Virtualbrest.by / Virtualnyj Briest | 3,04 |
| 17 | Belnovosti.by / Biełorusskije novosti | 2,91 |
| 18 | Belsat.eu / Biełsat | 2,31 |
| 19 | Citydog.by | 2,26 |
| 20 | Tvr.by / Biełteleradyjokampanija | 1,8 |
| 21 | Ctv.by / STB | 1,73 |
| 22 | Intex-press.by / Inteks-Pres (Baranavičy) | 1,53 |
| 23 | Svaboda.org / Radyjo Svaboda | 1,47 |
| 24 | Kuku.org | 1,1 |
| 25 | Ej.by / Ježiednievnik | 0,97 |
| 26 | Euroradio.by / Jeŭraradyjo | 0,82 |
| 27 | Telegraf.by / Tielehraf | 0,75 |
| 28 | Aif.by / Arhumienty i fakty | 0,7 |
| 29 | Ont.by / ANT | 0,65 |
| 30 | Interfax.by / Intierfaks | 0,56 |