U 56 hadoŭ pamior dvuchrazovy alimpijski čempijon Alaksandr Kurłovič

06.04.2018 / 19:12

Na 57-m hodzie žyćcia pamior dvuchrazovy čempijon Alimpijskich hulniaŭ, zasłužany majstar sportu SSSR, zasłužany rabotnik fizičnaj kultury i sportu Biełarusi, Alaksandr Kurłovič, paviedamlaje Ministerstva sportu Biełarusi.

Uradženiec horada Hrodna, jon byŭ čatyrochrazovym čempijonam śvietu, dvuchrazovym čempijonam Jeŭropy, uładalnikam Kubka śvietu. Dvanaccać razoŭ ustaloŭvaŭ rekordy płaniety. Byŭ siabram vykankamaŭ Jeŭrapiejskaj i Mižnarodnaj fiederacyj ciažkaj atletyki. Uznaharodžany ordenam «Znak Pašany». Uznačalvaŭ Pradstaŭnictva Nacyjanalnaha alimpijskaha kamiteta ŭ Hrodzienskaj vobłaści.