U Google stvaryli mikraskop z dapoŭnienaj realnaściu, jaki efiektyŭna dyjahnastuje rak
Kampanija Google prezientavała «razumny» mikraskop, jaki na asnovie štučnaha intelektu i technałohii dapoŭnienaj realnaści moža pravodzić davoli dakładnuju dyjahnostyku raku.
19.04.2018 / 14:56
Praca novaj pryłady bazujecca na standartnym aptyčnym śvietłavym mikraskopie, źlohku madyfikavanym dla pracy z vyšejapisanymi technałohijami.
Dla madernizacyi mikraskopa inžyniery Google źmiaścili pamiž akularam i abjektyvam dva moduli: pieršy vykarystoŭvaje napaŭprazrystaje lusterka, jakoje adlustroŭvaje častku śviatła na fotamatrycu, a druhi prajecyruje atrymany malunak i nakładvaje jaho na malunak uzoru, jaki daśledujecca.
Technałohija dazvalaje ŭ režymie realnaha času pravodzić analiz malunka i pakazvać vyniki raspaznavańnia kletak, ź jakimi pravodzicca daśledavańnie. Častata abnaŭleńnia malunka składaje 10 kadraŭ za siekundu, čaho całkam dastatkova dla dyjahnostyki. Sam ałharytm hruntujecca na technałohijach mašynnaha zroku i mašynnaha navučańnia.