Адкрыты новы від мурашоў, якія выбухаюць, каб знішчыць суперніка
У трапічных лясах вострава Барнэа навукоўцы выявілі новы від мурашоў, якіх назвалі Colobopsis explodens. Каб абараніць суродзічаў, яны ахвяруюць сабой незвычайным спосабам. Даследаванне апісваецца ў часопісе ZooKeys.
23.04.2018 / 15:08
Фота: zookeys.pensoft.net
У барацьбе за мурашнік гэтыя насякомыя выбухаюць, выпырскваючы на суперніка атрутную слізь. Сам мураш адразу гіне, а вось аб'ект паражэння можа і выжыць.
Такія паводзіны, як тлумачаць энтамолагі, звязаныя з тым, што мурашыная калонія падобная да адзінага арганізма, дзе кожнае насякомае — як асобная клетка, што выконвае сваю функцыю.
Аднак, як выявілася, не ўсе мурашы выбухаюць пры сустрэчы з ворагам. Ахвяруюць сабой толькі самыя малыя асобіны, у той час як больш буйныя проста закрываюць сабою ўваходы ў мурашнік.