Mininfarm prapanavaŭ try varyjanty, jak kamientatary zmohuć prachodzić identyfikacyju na sajtach
25.04.2018 / 15:11
Na sajcie Ministerstva infarmacyi źjavilisia tłumačeńni da mierkavanych źmienaŭ u Zakon ab ŚMI. Źviartajem uvahu na niekatoryja akcenty i ŭdakładnieńni, zroblenyja čynoŭnikami.
Ministr infarmacyi Aleś Karlukievič.
Jak budzie adbyvacca identyfikacyja karystalnikaŭ infarmacyjnych sajtaŭ?
Kančatkovy adkaz budzie sfarmulavany pastanovaj urada, ale Mininfarm nazvaŭ dva mahčymyja varyjanty. Albo praz SMS-paviedamleńnie — tady na mabilny telefon čytača pryjdzie śpiecyjalny kod, i akaŭnt budzie pryviazany da mabilnaha numaru, albo praz elektronnuju poštu, albo praz profil u sacyjalnych sietkach.
Čynoŭniki adznačajuć, što na bolšaści resursaŭ padobnaja rehistracyja ŭžo isnuje.
Jakija telekanały nie daciahvajuć da 30% nacyjanalnaha kantentu ŭ efiry?
Asnoŭnyja telekanały — «Biełaruś 1», «Biełaruś 3», «ANT», «STB» — užo adpaviadajuć patrabavańniam. Prablemy ŭźniknuć u «NTV-Biełaruś» i «Rasija-Biełaruś», dzie prahramy ŭłasnaha viaščańnia nie pieravyšajuć 10%. Kab pavialičyć dolu svaich pieradač, daviadziecca pavykidać z efiru rasijski kantent.
Čamu Mininfarm abmiažoŭvaje dostup da sajtaŭ biez rašeńnia suda
«U metach apieratyŭnaha reahavańnia na supraćpraŭnyja prajavy ŭ Internecie, jakija pryčyniajuć škodu hramadskim i dziaržaŭnym intaresam», — tłumačać čynoŭniki.
Sudovaje raźbiralnictva — praciahły praces, narakajuć jany. «Niemahčyma dapuścić raspaŭsiud u volnym dostupie infarmacyi, jakaja prapahanduje hvałt … Zaciahvańnie abmiežavańnia dostupu da takoj infarmacyi, pa sutnaści, źjaŭlajecca pasobnictvam u ździajśnieńni pravaparušeńniaŭ».
Što rabić tym, čyj sajt zabłakavali biez rašeńnia suda?
Čynoŭniki rajać źviarnucca ŭ Mininfarm ź piśmovaj zajavaj. Praź miesiac zajavu razhledziać. Uvieś hety čas sajt budzie niedastupny.