Мэсі выйграў суд у Massi

26.04.2018 / 13:20

Суд дазволіў Ліянэлю Мэсі (Messi) зарэгістраваць у Еўрасаюзе таварны знак Messi. Раней іспанская кампанія Massi заяўляла, што такі брэнд будзе занадта сугучны з яе назвай, піша РБК.

ТАСС

Аргенцінскі футбаліст Ліянэль Мэсі, лідар клуба «Барселона» і чатырохразовы ўладальнік «Залатога мяча», выйграў справу ў Еўрапейскім судзе агульнай юрысдыкцыі ў іспанскай кампаніі Massi, якая не давала яму зарэгістраваць таварны знак Messi.

«Слава футбаліста нейтралізуе візуальнае і фанетычнае падабенства» з іншым брэндам, гаворыцца ў рашэнні суда, які знаходзіцца ў Люксембургу.