Rok za babroŭ — 2005

Pakolki fest prachodziŭ pad «dacham» babrujskaha brovaru, to i tematyka častki tvoraŭ – adpaviednaja, - Siarhiej Budkin pra składanku ź pieśniami ŭdzielnikaŭ letašniaha festu.

29.05.2006 / 20:52

Roznyja vykanaŭcy, West Records, 2006.

Pakolki fest prachodziŭ pad «dacham» babrujskaha brovaru, to i tematyka častki tvoraŭ – adpaviednaja.

Ckładanka ź pieśniami ŭdzielnikaŭ letašniaha festu «Rok za babroŭ». Pakolki fest prachodziŭ pad «dacham» babrujskaha brovaru, to i tematyka častki tvoraŭ – adpaviednaja. Pačynajecca ź niehałosna zabaronienaj «Krambambuli» z tvoram «Chočaš piva», a skančajecca «Siabrami», jakim usio dazvolena, ź niatlenkaj «Picie piva, mužyki». Sucelnaja miašanka: z rok-n-rołu a-la «Bitłz» («Flat»), pryhardavanaha roku pierabudovačnych časoŭ («Slang»), mlavaha pop-roku («Stoks») i banalnaha bluzu («Madera chard bluz»). Takuju ž składanku mahli vydać u Samary ci Pienzie – u kožnym horadzie chapaje chałodnych prafesijanałaŭ. A voś nadać muzycy nacyjanalny kalaryt dy ŭkłaści ŭ aranžyroŭku svaju razynačku – zadača bolš składanaja, čym syhrać Je-A-H u ich banalnaj paśladoŭnaści. Tamu, biez sumnievu, z usich udzielnikaŭ składanki možna vyłučyć IQ-48 i Indiga. I nia tolki pavodle moŭnaj prykmiety. «Siabry» vuń taksama šparać pa-biełarusku, ale ciažkaja spadčyna festyvalu «Pieśniu biarecie z saboju» ich nie adpuskaje.

Siarhiej Budkin