Коля Лукашэнка ў гімнасцёрцы падарыў вэтэранам дзясятак курэй і пеўня ФОТЫ
11.05.2018 / 16:03
Вучні Астрашыцка-Гарадоцкай сярэдняй школы парадавалі сёння, 11 мая, жыхароў Мінскага дома-інтэрната для пенсіянераў і інвалідаў новай праграмай «Галасы вайны», паведамляе БелТА.
Школьнікі рэгулярна наведваюць пажылых людзей з канцэртамі і падарункамі, а на нядаўнім суботніку працавалі на тэрыторыі інтэрната ўсёй школай — ускапалі зямлю ў парніку, пабялілі дрэвы, акультурылі клумбы і кусты.
Па заканчэнні канцэрта жыхарам дома-інтэрната перадалі дзясятак курэй нясушак і пеўня. Усіх іх даставілі сюды проста з асабістай гаспадаркі кіраўніка дзяржавы, дадае БелТА.