Jak adkryvali pieršy ŭ Biełarusi pomnik Tadevušu Kaściušku FOTY
12.05.2018 / 12:25
12 maja a 12-j hadzinie na terytoryi memaryjalnaha muzeja-siadziby Kaściuški kala Kosava na Bieraściejščynie adbyłosia ŭračystaje adkryćcio pomnika Tadevušu Kaściušku, piša Radyjo Svaboda.
Na mierapryjemstva pryjechali dypłamaty ZŠA, Polščy, Ukrainy, Rasiei, miascovyja ŭłady, deputaty Pałaty pradstaŭnikoŭ, stvaralniki pomnika i hości z mnohich haradoŭ.
Kiraŭnik Ivacevickaha rajvykankama Alaksandr Hrycuk padkreśliŭ važnaść pomnika dla roznych ludziej niezaležna ad ich pierakanańniaŭ.
«Siońnia my ličym, što ź pieražytaha minułaha nam treba brać toje, što moža zrabić nas lepšymi, što moža być nam prykładam. Asoba Kaściuški — heta prykład addanaści svajoj Radzimie, śviatoj lubovi da rodnaj ziamli. Jość rečy, jakija pa svajoj sile i značnaści mohuć abjadnać nas usich — takich roznych u svaich dumkach i pierakanańniach», — skazaŭ Alaksandar Hrycuk.
Na adkryćci pomnika ŭ niebie łunała šmat bieł-čyrvona-biełych ściahoŭ, prysutnyja milicyjanty nijak na heta nie reahavali. Praz peŭny čas źjavilisia i dva čałavieki z čyrvona-zialonymi dziaržaŭnymi ściahami.
Zbor srodkaŭ na ŭstalavańnie pomnika Kaściušku byŭ inicyjavany žurnalistam Hlebam Łabadzienkam. Prajekt padtrymali 690 čałaviek, jakija sabrali bolš za 22 tysiačy rubloŭ. Imiony ŭsich achviaradaŭcaŭ buduć zachoŭvacca ŭ muziei.
Hleb Łabadzienka
Pomnik byŭ adlity va Ukrainie pavodle prajektu biełaruskaha skulptara Henika Łojki
Henik Łojka, fota Hleba Łabadzienki.
{POLL#750}