Бразілец паспрабаваў абрабаваць жанчын, што чакалі дзяцей ля школы. Адна з мам была паліцэйскім — і прыстрэліла яго ВІДЭА

14.05.2018 / 13:10

Малады чалавек здзейсніў няўдалую спробу рабавання ў бразільскім горадзе Крузэйра-ду-Сул: убачыўшы жанчын, якія прыйшлі на святкаванне Дня Маці ў школу раёна Суза, ён дастаў рэвальвер і накіраваў яго на мам, заявіўшы, што адбываецца рабаванне, паведамляюць мясцовыя СМІ. Між тым, адна з жанчын аказалася ўзброеным супрацоўнікам паліцыі — ёй удалося дастаць зброю, падстрэліць рабаўніка і абясшкодзіць яго. Малады чалавек памёр у бальніцы ад атрыманых раненняў.