Paleścina adklikała pasłoŭ z Aŭstryi, Rumynii, Čechii i Vienhryi

16.05.2018 / 17:52

Pasły Paleściny ŭ Aŭstryi, Rumynii, Čechii i Vienhryi adklikany dla kansultacyj paśla ŭdziełu dypłamataŭ čatyroch jeŭrapiejskich krain u pryjomie izrailskaha MZS z nahody pieranosu pasolstva ZŠA ŭ Ijerusalim, paviedamlaje sajt MZS Paleściny.

«MZS Paleściny ličyć hety ŭdzieł hrubym parušeńniem mižnarodnaha prava i šmatlikich rezalucyj Arhanizacyi Abjadnanych Nacyj, u jakich śćviardžajecca, što Ijerusalim byŭ akupavanaj terytoryjaj z 1967 hoda i nie dazvalaje krainam pieranosić tudy svaje pasolstvy», — udakładniajecca ŭ paviedamleńni viedamstva.