U Novaj Hucie rasijanin, jakoha nie puścili va Ukrainu, pasprabavaŭ pierasiekčy miažu cieraz płot
21.05.2018 / 22:41
16 maja rasijanin jechaŭ da svaich znajomych u Kijeŭ na rejsavym aŭtobusie praz punkt propusku «Novaja Huta».
Adnak va Ukrainu jaho nie prapuścili supracoŭniki pamiežnaj słužby sumiežnaj dziaržavy. U 02.38 chłopiec viarnuŭsia nazad u Biełaruś.
Nie pakinuŭšy namieru trapić da znajomych, praz try hadziny rasijanin pasprabavaŭ pieraleźci praz zaharadžalny płot za kiłamietr ad punkta propusku. Tam jaho i zatrymaŭ pahraničny narad adnaho z padraździaleńniaŭ Homielskaj pamiežnaj hrupy.
U dačynieńni da zatrymanaha raspačaty administracyjny praces za niezakonnaje pierasiačeńnie biełaruskaj miažy. Jamu pahražaje štraf da 100 bazavych vieličyń.