Ispanskaja raźviedka: Padziei ŭ Katałonii padahravała Rasija

22.05.2018 / 20:17

Raźviedvalnaje viedamstva Ispanii CCN, adkaznaje za abaronu ad kibieratak, upieršyniu apublikavała ŭ aficyjnaj spravazdačy svaje padazreńni pra isnavańnie rasijskaha ŭmiašańnia ŭ katałonski kryzis, piša El Pais.

Kryptałahičny centr zhadvaje pra ŭmiašańnie Maskvy, adnak nie detalizuje hetuju infarmacyju.

«Zdajecca dakazanym prysutnaść aktyvistaŭ, spansavanych rasijskimi ŭstanovami, u aśviatleńni ŭ SMI kanfliktnaj situacyi, jakaja skłałasia ŭ Katałonii ŭ 2017 hodzie ŭ vyniku ŭchileńnia ad dziejučaj kanstytucyjnaj zakonnaści asobnych katałonskich aŭtanomnych ustanoŭ», — havorycca ŭ spravazdačy ispanskaj raźviedki.