Zhodu pryznali nieabchodnaj umovaj dla seksu ŭ Šviecyi

Šviedski parłamient pryniaŭ zakon, jaki abaviaža hramadzian papiarednie atrymlivać zhodu na seks. Pra heta paviedamlaje The New York Times.

24.05.2018 / 18:24

Zakon patrabuje atrymańnia jaŭnaj vierbalnaj abo fizičnaj zhody i zaklikany źmianić charaktar pieraśledu seksualnych złačynstvaŭ u krainie. Šviecyja stanie 10-j krainaj u Jeŭropie, jakaja pryznaje seks biez zhody zhvałtavańniem.

Pačynajučy z 1 lipienia, kali zakon ustupić u siłu, abvinavaŭcam budzie dastatkova dakazać, što vidavočnaj zhody nie było atrymana. Zhodna z papiarednim zakonam, prakurory abaviazanyja byli znajści prykmiety ŭžyvańnia hvałtu, prymusu da seksu abo ŭraźlivaha stanovišča achviary.