Rasijski aliharch Abramovič prylacieŭ u Tel-Aviŭ i atrymaŭ hramadzianstva Izraila
28.05.2018 / 20:38
Rasijski miljarder i ŭładalnik futbolnaha kłuba «Čełsi» Raman Abramovič, jaki sutyknuŭsia ź ciažkaściami pry padaŭžeńni brytanskaj vizy, staŭ hramadzianinam Izraila i źbirajecca žyć u Tel-Avivie.
Ministerstva ŭnutranych spraŭ paćviardžaje paviedamleńni ab tym, što pryvatny samalot biznesmena pryziamliŭsia ŭ aeraporcie imia Ben-Huryjona, dzie Abramoviču vydali paśviedčańnie asoby hramadzianina. Jon stanie samym bahatym čałaviekam Izraila i budzie žyć u Tel-Avivie.
Krynicy Bi-bi-si va ŭradzie Izraila paćvierdzili, što Abramovič prylacieŭ u Izrail kala hadziny dnia ŭ paniadziełak i aficyjna atrymaŭ hramadzianstva. Adnak ciapier, pavodle ich danych, miljarder užo pakinuŭ krainu.
Abramovič atrymaŭ izrailski pašpart u adpaviednaści z zakonam ab viartańni, jaki dazvalaje jaŭrejam atrymlivać izrailskaje hramadzianstva. Jak paviedamlaje izrailskaja presa, Abramovič padaŭ dakumienty ŭ pasolstvie Izraila ŭ Maskvie.