Лукашэнка на гэтым тыдні праінспектуе памежнікаў

28.05.2018 / 23:16

У 2009-м кіраўніку краіны памежнікі падарылі лабрадора, president.gov.by 

Аляксандр Лукашэнка плануе ў другой палове гэтага тыдня наведаць аддзяленні органаў памежнай службы. Пра гэта БелТА паведамілі ў прэс-службе беларускага кіраўніка.

Чакаецца, што кіраўнік дзяржавы, які ў маладосці, як вядома, і сам служыў на мяжы, прыедзе ў памежныя падраздзялення на тэрыторыі Брэсцкай вобласці. Лукашэнка азнаёміцца з умовамі службы і побытам пагранічнікаў, пагутарыць з вайскоўцамі і іх сем'ямі.