Zvolnieny kiraŭnik STB Juryj Kazijatka ŭspłyŭ namieśnikam dyrektara ŭ chołdynhu «Minsk-Naviny»
07.06.2018 / 12:57
Jak paviedamili «Našaj Nivie» u ahienctvie «Minsk-Naviny», ciapier u ich štatie namieśnikam dyrektara značycca eks-kiraŭnik STB Juryj Kazijatka.
Kazijatka byŭ adstaŭleny razam z Paŭłam Jakubovičam i Hienadziem Davydźkam u čas lutaŭskaj ratacyi kirujučych kadraŭ ŚMI.
STB jon uznačalvaŭ z 2005 hoda.
Paśla sychodu z telebačańnia Kazijatka zastajecca členam Savieta Respubliki.
Juryj Kazijatka ŭ vyšyvancy
Što heta za miesca, dzie jon pracuje ciapier?
Zasnavalnikam «Minsk-Navinaŭ» ličycca Minharvykankam. Heta chołdynh, kudy ŭvachodziać haziety «Viačerni Minsk» i «Minski kurjer», «Radyjo Minsk» i časopis dla padletkaŭ «Areli».
U «Minsk-Navinach» Kazijatka budzie adkazvać «za raźvićcio».
Svaju prafiesijnuju karjeru Kazijatka pačynaŭ na BT u pačatku 2000-ch, jon i Alaksandr Zimoŭski byli hałoŭnymi tvarami prapahandy ŭ toj čas.