Siastra karalevy Niderłandaŭ skončyła žyćcio samahubstvam

07.06.2018 / 15:37

Ines Sarehjeta, małodšaja siastra karalevy Niderłandaŭ Maksimy, pamierła ŭ Buenas-Ajresie va ŭzroście 33 hadoŭ. Pra heta paviedamiła ŭ čaćvier Niderłandskaja teleradyjoviaščalnaja karparacyja.

Pa dadzienych telekanała, havorka idzie pra samahubstva. Siastra karalevy była znojdziena miortvaj u svajoj kvatery. Viadoma, što jana pakutavała ad depresii. Karaleva Maksima ŭžo zajaviła, što «šakavanaja i vielmi zasmučanaja» viestkaj.

U suviazi sa śmierciu siastry Maksima nie budzie prysutničać na šerahu publičnych mierapryjemstvaŭ: jana admoviłasia supravadžać karala Vilem-Alaksandera padčas dziaržaŭnaha vizitu ŭ Łatviju, Litvu i Estoniju z 11 pa 15 červienia.

Ines była małodšaj siastroj karalevy, u ich była roźnica ŭ 13 hadoŭ. Małodšaja siastra pakutavała na anareksiju, a ŭ 2012 hodzie prachodziła lačeńnie ŭ psichijatryčnaj klinicy, piša tass.ru.