Ministerstva justycyi Ukrainy moža lehalizavać hramadzianskaje partniorstva dla adnapołych par
13.06.2018 / 21:33
U płanie dziejańniaŭ pa realizacyi Nacyjanalnaj stratehii ŭ halinie praŭ čałavieka pakinuć uviadzieńnie va Ukrainie hramadzianskich partniorstvaŭ.
Pra heta padčas kruhłaha stała ŭ ofisie Ambudsmiena zajaviŭ Uładzisłaŭ Ułasiuk, hienieralny dyrektar Dyrektarata pa pravach čałavieka, dostupu da pravasudździa i pravavoj daśviedčanaści ministerstva justycyi Ukrainy, paviedamlaje Ukrajinśka pravda.
«Kabiniet Ministraŭ pavinien raspracavać zakonaprajekt i padać na razhlad Viarchoŭnaj Rady da IV kvartała 2019 hoda», — skazaŭ jon.
Paźniej na sajcie ministerstva justycyi Ukrainy źjaviłasia ŭdakładnieńnie, što pytańnie pakul nie vyrašana i patrabuje dapracoŭki.
Pravaabaronca ŁHBT-centra «Naš śviet» Andrej Kraŭčuk zajaviŭ, što heta pryncypovaje pytańnie, jakoje «demanstruje, va Ukrainie — kaštoŭnaści Rasii ci Jeŭropy». Taksama jon adznačaje, što hramadzianskija partniorstvy, jakija možna rehistravać, vyrašać pytańnie biaspraŭja pry sumiesnym žyćci ŁHBT-par.
Pradstaŭnik Rady ŭdzielnikaŭ bajavych dziejańniaŭ i ATA Michaił Ślipčanka na kruhłym stale zaklikaŭ «zaścierahčy ad nieabdumanych krokaŭ, nakiravanych na razbureńnie ŭkrainskich tradycyjnych kaštoŭnaściej».