Pucin u Minsku adznačyŭ važnaść pastavak hazu ŭ Jeŭropu praź Biełaruś

19.06.2018 / 23:21

TASS

Značeńnie tranzitnaha maršrutu rasijskaha hazu ŭ Jeŭropu praź Biełaruś raście, zajaviŭ Uładzimir Pucin na pasiadžeńni Najvyšejšaha dziaržaŭnaha savieta Sajuznaj dziaržavy ŭ Minsku, havorycca ŭ paviedamleńni, apublikavanym na sajcie Kramla.

Pavodle jaho słoŭ, da 2020 hoda Rasija układzie $ 2,5 młrd u rekanstrukcyju biełaruskaha ŭčastka hazapravoda Jamał — Jeŭropa, a taksama dadatkova $ 1 młrd na pabudovu novych hazaschoviščaŭ. «Majučy na ŭvazie techničny stan inšych maršrutaŭ ekspartu rasijskich vuhlevadarodaŭ, u pryvatnaści hazu, u Jeŭropu, ich, prama skažam, niezdavalniajučy stan, biełaruski maršrut nabyvaje bolšaje značeńnie», - skazaŭ prezident Rasii

Raniej Pucin zajaviŭ pra mahčymaść davieści tavaraabarot ź Biełarussiu da $ 50 młrd u hod. Jon padkreśliŭ, što za 2017 hod tavaraabarot vyras amal na 23,5% (da $ 32,4 młrd).

RBK