На Львоўшчыне мікрааўтобус з беларусамі трапіў у ДТЗ. Сямёра пацярпелі, адна жанчына загінула
Аварыя адбылася 23 чэрвеня каля апоўдня непадалёк ад горада Вялікія Масты Сокальскага раёна Львоўскай вобласці на трасе Ковель — Жоўка.
23.06.2018 / 21:36
Фота Нацпаліцыі Украіны
Паводле папярэдніх дадзеных, кіроўца аўтамабіля Skoda Octavia, 59-гадовы жыхар Львоўшчыны, заснуў за рулём. У выніку аўтамабіль выехаў на сустрэчку, дзе сутыкнуўся з мікрааўтобусам Volkswagen, у якім ехалі беларусы. За рулём быў 35-гадовы жыхар Валынскай вобласці, паведамляе інфармацыйнае агенцтва УНІАН.
На момант сутыкнення ў мікрааўтобусе знаходзіліся дзевяць пасажыраў — усе беларусы. Адна жанчына загінула, яшчэ сямёра пасажыраў дастаўлены ў бальніцу.
Шпіталізаваны таксама кіроўца легкавушкі, кіроўца мікрааўтобуса ад шпіталізацыі адмовіўся.
Усе акалічнасці аварыі высвятляюцца.