Chabary — 200 rubloŭ: SK zavioŭ kryminalnuju spravu ŭ dačynieńni da słužbovych asob Dziaržstandartu

26.06.2018 / 15:52

Hałoŭnym śledčym upraŭleńniem Śledčaha kamiteta rasśledujecca kryminalnaja sprava ab karupcyi ŭ dačynieńni da pieršaha namieśnika dyrektara i načalnika addzieła Departamienta pa enierhaefiektyŭnaści Dziaržkamiteta pa standartyzacyi.

Kryminalnaja sprava zaviedziena pa materyjałach 10-ha ŭpraŭleńnia (pa Minskaj vobłaści) Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS. Pa dadzienych śledstva, 45-hadovy kiraŭnik pryvatnaha pradpryjemstva ŭ červieni hetaha hoda pieradaŭ słužbovym asobam chabaru - pa 200 rubloŭ kožnamu. Hrošy pryznačalisia za zaćviardžeńnie zahadzia padroblenaha dakumienta ab normach raschodavańnia paliŭna-enierhietyčnych resursaŭ na 2017 hod.

Dziejańni 45-hadovaha mužčyny kvalifikavanyja pa č.1 art.431 KK (dača chabaru), pieršaha namieśnika dyrektara Departamienta - pa č.3 art.430 KK (atrymańnie chabaru), načalnika addzieła - pa č.2 art.430 KK (atrymańnie chabaru). Usie jany zaklučany pad vartu. Rasśledavańnie kryminalnaj spravy praciahvajecca.