Na adkryćcio miemaryjała ŭ Traściancy pryjedzie kiraŭnik kancylaryi prezidenta Polščy
28.06.2018 / 10:26
Pasoł Polščy Artur Michalski paviedamiŭ, što Polšču 29 červienia na adkryćci miemaryjała achviaram nacyzmu ŭ vioscy Traścianiec pad Minskam budzie pradstaŭlać kiraŭnik kancylaryi prezidenta Andžeja Dudy Kšyštaf Ščerski, piša Radyjo Svaboda.
Siarod zabitych achviaraŭ kanclahieru ŭ Traściancy było šmat habrejaŭ, u tym liku hramadzian Polščy, ich pamiać ušanuje specyjalny pradstaŭnik prezydenta Polščy, skazaŭ ambasadar.
27 červienia stała viadoma, što prezydent Polščy Andrej Duda nie pryjedzie na adkryćcio memaryjału.
Cyrymonija adkryćcia memaryjalnaha kompleksu pačniecca 29 červienia a 12-j hadzinie. Čakałasia, što žałobnuju cyrymoniju naviedajuć prezydenty Aŭstryi, Niamieččyny, Izrailu, Polščy, Čechii.
U Mienskim mižnarodnym adukacyjnym centry jašče 8 červienia paćvierdzili ŭ cyrymonii dziejnaha aŭstryjskaha prezydenta Alaksandra Van der Belena i byłoha prezydenta Chajnca Fišara — svajaki jahonaj žonki zahinuli mienavita ŭ Traściancy.
Što tyčycca pryjezdu niamieckaha prezydenta Franka-Valtera Štajnmajera, jašče raniej praz dyplamatyčnyja kanały była ŭzhodnienaja data 29 červienia, čakajecca kančatkovaje paćvierdžańnie.