Sud asudziŭ Alaksandra Knyroviča da šaści hadoŭ kałonii

04.07.2018 / 16:23

Fota Siarhieja Hudzilina

U sieradu ŭ sudzie Frunzienskaha rajona Minska ahučyli prysud biznesoŭcu Alaksandru Knyroviču i jaho kaleham z «SarmatTerma-Inžynirynh», piša Tut.by.

Suzasnavalnik i dyrektar TAA «SarmatTerma-Inžynirynh» Alaksandra Knyroviča sud pryhavaryŭ da šaści hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści i zabaronaj zajmać rasparadčyja pasady na praciahu 5 hadoŭ. Namieśnik dyrektara pa ekanomicy Ihar Maksimaŭ atrymaŭ 4 hady z kanfiskacyjaj i zabaronaj na 5 hadoŭ, viadučy ekanamist Andrej Kuskoŭ — 3 hady i zabaronaj na praciahu 5 hadoŭ zajmacca pradprymalnictvam, namieśnik dyrektara pa prodažach Jaŭhien Papoŭski - 4 hady pazbaŭleńnia voli.

Usie terminy adpaviadajuć tamu, što raniej patrabavaŭ dziaržabvinavaŭca.

Nahadajem, Alaksandr Knyrovič i čaćviora jaho kaleh byli zatrymanyja ŭ studzieni 2017 hoda. Praces pačaŭsia 18 krasavika. Jašče adnaho suzasnavalnika, byłoha dyrektara «SarmatTiermo-Inžynirynh» Uładzimira Daškieviča, buduć sudzić asobna z-za prablem sa zdaroŭjem.

Knyroviča abvinavačvali va ŭchileńni ad padatkaŭ u asabliva bujnym pamiery i dačy chabaru, Papoŭskaha ŭ chabarach, Maksimava i Kuskova ŭ dapamahańni ŭchileńniu ad padatkaŭ. Maksimaŭ i Kuskoŭ svaju vinu pryznali całkam, Knyrovič i Papoŭski — častkova.