Piłoty pierabłytali kolery ściaha Francyi na Dni ŭziaćcia Bastylii
Adzin ź piłotaŭ vypuściŭ čyrvony dym zamiest siniaha. Pradstaŭnik armii zajaviŭ, što incydent adbyŭsia praz pamyłku.
14.07.2018 / 19:12
Padčas śviatkavańnia Dnia ŭziaćcia Bastylii ŭ Paryžy členy piłatažnaj hrupy Patrouille de France pierabłytali kolery ŭ ściahu Francyi, jaki jany pavinny byli «namalavać» u niebie, pieradaje telekanał BFM.
U vystupie brali ŭdzieł dzieviać samalotaŭ — pa try na kožny z koleraŭ ściaha. Piłot, jaki lacieŭ krajnim sprava, zamiest siniaha dymu vypuściŭ čyrvony.
Raniej padčas mierapryjemstva sutyknulisia dvoje matacyklistaŭ, jakija vykonvali manieŭry pierad prezidentam krainy Emaniuelem Makronam.
Udzieł u paradzie ŭ honar Dnia ŭziaćcia Bastylii ŭziali 4,2 tys. vajskoŭcaŭ, 220 aŭtamabilaŭ, 250 koniej, 64 samaloty i 30 viertalotaŭ.