U Zasłaŭi ŭ banku mužčyna ŭziaŭ u zakładniki žonku. Apieracyju pa vyzvaleńni ŭznačalvaje Ihar Šunievič
18.07.2018 / 15:20
«U budynku haścinicy na vulicy Savieckaj u Zasłaŭi ŭ pamiaškańni banka mužčyna ŭziaŭ zakładnicu», paviedamiŭ tut.by čytač.
Pa słovach vidavočcaŭ, mužčyna uzbrojeny nažom. Raniej paviedamlałasia, što ŭ zakładnicach ŭ jaho — ułasnaja žonka, ale hetaja infarmacyja nie paćvierdziłasia.
U pravaachoŭnych orhanach paćviardžajuć: u Zasłaŭi adbyŭsia razbojny napad.
Na miesca vyjechała śledča-apieratyŭnaja hrupa, chutkija i ratavalniki.
Apieracyju pa vyzvaleńni ŭznačalvaje Ihar Šunievič.
Dla vyśviatleńnia abstavinaŭ taho, što zdaryłasia na miesca vybyli supracoŭniki milicyi i kiraŭnictva abłasnoha UUS, a taksama śledča-apieratyŭnaja hrupa», — paviedamiŭ TUT.BY aficyjny pradstaŭnik UUS Minabłvykankama Jaŭhien Sačak.
— Śledča-apieratyŭnaja hrupa pracuje na miescy zdareńnia ŭ budynku filijała banka ŭ Minskim rajonie, dzie mužčyna ŭziaŭ u zakładniki žančynu, — skazała aficyjny pradstaŭnik SK Julija Hančarova.
Na miescy prysutničajuć chutkija i ratavalniki. Ruch pa vulicy Savieckaj u Zasłaŭi pierakryty.