Ministr Łaŭroŭ adkazaŭ na patrabavańnie Armienii pamianiać hienieralnaha sakratara ADKB
28.07.2018 / 19:15
U Maskvie adznačyli, što Jerevan pavinien inicyjavać adklikańnie svajho hramadzianina Juryja Chačaturava z pasady hienieralnaha sakratara arhanizacyi. Napiaredadni sud pradjaviŭ jamu abvinavačvańni ŭ źviaržeńni kanstytucyjnaha ładu ŭ Armienii ŭ sakaviku 2008 hoda.
Armienija pavinna aficyjna adklikać svajho pradstaŭnika z pasady hienieralnaha sakratara Arhanizacyi Damovy kalektyŭnaj biaśpieki (ADKB). Pra heta zajaviŭ ministr zamiežnych spraŭ Rasii Siarhiej Łaŭroŭ u telefonnaj razmovie sa svaim armianskim kaleham Zahrabam Mnacakanianam, paviedamlaje pres-słužba rasijskaha źniešniepalityčnaha viedamstva.
«U adpaviednaści z praviłami pracedury ADKB mienavita armianski bok pavinien aficyjna inicyjavać adklikańnie svajho hramadzianina z pasady hienieralnaha sakratara ADKB, kali rašeńnie ab takim adklikańni było pryniata ŭ Jerevanie», — havorycca ŭ kamientary MZS Rasii.