Jak karystacca kaśmietykaj z naturalnymi alejami pravilna, a nie tak, jak usie
My viedajem i z historyi, i ź litaratury, i navat z kino, što najpryhažejšyja žančyny staražytnaści mieli svaje sakrety, jakija dapamahali im zachoŭvać maładość skury i vałasoŭ. Kleapatra, Niefiercici dy ich suajčyńnicy vykarystoŭvali samyja roznyja alei, što daryli śviežaść i zdaroŭje.
13.08.2018 / 06:45
Fota pxhere.com
Z tych časoŭ nam viadomyja raśliny, što i ciapier u roznym vyhladzie dadajuć u kaśmietyčnyja srodki: aliva, łavanda, mira, ruža, razmaryn, jaźmin, žažaba, avakada i mnohija inšyja. U kožnaj kultury byli svaje asabliva kaštoŭnyja raśliny, jakija najbolš canilisia, i svaje tradycyi ich prymianieńnia. Pra niekatoryja my daviedvajemsia tolki ciapier.
Vybar alejaŭ siońnia bahaty, jość jany i z kvietak, i z arechaŭ (mindal, funduk, makadamija, kakos), i ź vinahradnych kostačak. Praktyčna ŭsie naturalnyja alei prymianiajucca jak dla dohladu skury, tak i dla dohladu vałasoŭ. My ž raskažam pra najbolš papularnyja i lubimyja siarod tych, chto ich vykarystoŭvaje. A što datyčna navinak — zhadajem jakaści aleju z arechu «Sača Inčy», jaki tolki trapiŭ na palicy biełaruskich kramaŭ.
Arech «Sača Inčy». Fota pxhere.com
Top-5 papularnych alejaŭ
Kakos
Alej z hetaha arechu vykarystoŭvajecca jak u masavym vyrabie kaśmietyki, tak i jak dadatak da chatnich srodkaŭ pa štodzionnym dohladzie za suchoj abo prablemnaj skuraj, na jakoj jość razdražnieńni, zapaleńni, jakaja łupicca abo vianie. Adnak dla dohladu prablemnaj ci tłustaj skury vykarystańnie kakosavaha aleju nie rekamiendujecca, bo mohuć źjavicca kamiedony (biełyja ci čornyja vuhry).
Čajnaje dreva
Univiersalny dapamožny srodak suprać infiekcyj roznaj pryrody. Prykładna z adnolkavaj efiektyŭnaściu zdolny supraćstajać adrazu trom vidam infiekcyjnych arhanizmaŭ: bakteryjam, hrybkam i virusam. Heta robić alej čajnaha dreva adnym z najlepšych srodkaŭ dla dezynfiekcyi. Taksama alej źjaŭlajecca mocnym stymulataram imunnaj sistemy arhanizma. Aktyvizuje pracu lejkacytaŭ, spryjaje bolš chutkamu vyzdaraŭleńniu. Dapamahaje likvidavać zapaleńnie i pavieličeńnie limfatyčnych vuzłoŭ. Karysny pry mnohich skurnych zachvorvańniach. U kaśmietycy vykarystoŭvajecca jak vydatny srodak pa dohladzie za tłustaj skuraj. Ale złoŭžyvać im nie varta.
Žažaba
Vałodaje mocnymi ŭvilhatnialnymi i hajučymi ŭłaścivaściami, lohka ŭbirajecca ŭ skuru, papiaredžvaje źjaŭleńnie vuhroŭ. Robić skuru prutkaj dy ełastyčnaj. Dobry srodak ad zmorščyn. Nadaje blask vałasam.
Łavanda
Vydatny pamočnik pry stresie i depresii. Karysny pry niervovym napružańni, prablemach sa snom, ahresii, panicy, dziciačaj hipieraktyŭnaści. Dapamahaje supakoicca i znajści raŭnavahu. Daje palohku pry roznych bolach: hałaŭnych, zubnych, a taksama ŭ ciahlicach i sustavach. Łavandavy alej dapamahaje pazbavicca ad pierchaci i zrabić vałasy bolš mocnymi.
Bierhamot
Adzin z samych viadomych alejaŭ-antydepresantaŭ. Supakojvaje, honić strachi, tryvohi, dapamahaje zmahacca z depresijaj, uzdymaje nastroj, zaradžaje aptymizmam. Stymuluje tvorčuju aktyŭnaść hałaŭnoha mozhu, pavyšaje pracazdolnaść arhanizma ŭ cełym. Jak i bolšaść cytrusavych alejaŭ, spryjaje vyvadu taksinaŭ z arhanizma. U kaśmietycy vykarystoŭvajecca jak srodak dla tłustaj skury i tłustych vałasoŭ.
U čym admietnaść aleju z arecha «Sača Inčy»
Tak vyhladaje Sacha Inchi ŭ pryrodzie. Fota pxhere.com
Sacha Inchi, abo «arachis inkaŭ» — raślina, što maje płady, padobnyja da zorak. Raście sača inčy ŭ pieradhorjach And u basiejnie Amazonki. Jaje listy, jadomyja arechi i alej ź ich na praciahu tysiačahodździaŭ vykarystoŭvali indziejcy, jakija žyli ŭ rajonie pieruanskaj Amazonki.
Alej sača inčy zdolny chutka adnaŭlać i ŭvilhatniać skuru i vałasy, pakolki ŭ im šmat karysnych tłustych kisłot i antyaksidantaŭ.
Taksama jon daje zaŭvažny antyŭzrostavy efiekt, bo stymuluje pracesy abnaŭleńnia kletak. Skura stanovicca bolš śviežaj, pruhkaj i ełastyčnaj, joj lahčej supraćstajać niehatyŭnym uździejańniam navakolla. Akramia taho, alej sača inčy vałodaje vydatnymi lačebnymi ŭłaścivaściami. Jaho vykarystoŭvajuć dla źniaćcia razdražnieńniaŭ i pačyrvanieńniaŭ, dla bolš chutkaha zahojvańnia ranak i rubcoŭ.
Usiu kaštoŭnaść aleju z arechaŭ inčy kaśmietołahi zrazumieli zusim niadaŭna. Padrabiaznaje vyvučeńnie jaho chimičnaha składu pakazała rekordna vysokaje ŭtrymańnie karysnych polinienasyčanych tłustych kisłot (Amieha-3, Amieha-6, Amieha-9) — najvažniejšych «budaŭničych» elemientaŭ kletkavych abałonak.
Litaralna hetym letam «Bielita-M» vypuściła admysłovuju liniejku srodkaŭ z alejem sača inčy: šampuń-blask i ekstrapažyŭnuju masku-blask dla asłablenych i paškodžanych vałasoŭ, alej-blask dla suchich i paškodžanych vałasoŭ u vyhladzie spreju, sprej-blask «vadkaja rasčoska», a taksama pažyŭny krem-bater dla cieła.
Amieha-3: asabliva karysnaja kisłata, jakaja ŭtrymlivajecca ŭ abmiežavanaj kolkaści praduktaŭ, siarod jakich i alej arecha sača inčy. Amieha-3 praduchilaje razbureńnie kałahienavych vałoknaŭ skury, u vyniku čaho zapavolvajucca pracesy stareńnia. Taksama kisłata hłyboka ŭvilhatniaje vałasy, robić ich hnutkimi i ełastyčnymi, źnižaje ryzyku siačeńnia končykaŭ, minimizuje vypadzieńnie.
Amieha-6: adkazvaje za intensiŭnaje ŭvilhatnieńnie skury i vałasoŭ. Heta dazvalaje vykarystoŭvać alej dla dohladu za ŭsimi typami skury (ad vielmi suchoj da zališnie tłustaj) i robić jaho ŭniviersalnym srodkam.
Amieha-9: źmiakčaje skuru, doryć miakkaść i šaŭkavistaść vałasam. Taksama hetaja kisłata źjaŭlajecca «pravadyrom», spryjaje bolš hłybokamu praniknieńniu inšych aktyŭnych inhredyjentaŭ kaśmietyčnaha praduktu.
U maśle arecha sača inčy ŭ vysokaj kancentracyi ŭtrymlivajucca vitamin Je i vitamin A — ahulnapryznanyja zachavalniki maładości i pryhažości. Vitamin Je zmahajecca ź pihmientacyjaj i praduchilaje niespryjalnaje ŭździejańnie navakolla: źviazvaje malekuły svabodnych radykałaŭ, nie dazvalajučy im razburać kletki skury i strukturu vałasoŭ. Vitamin A vałodaje vyraznymi supraćzapalenčymi, uvilhatnialnymi i amaładžalnymi ŭłaścivaściami. Nadaje vałasam abjom, stvaraje nadziejny barjer ad UF-vypramieńvańnia, zmahajecca z suchaściu vałasoŭ, viartaje im ełastyčnaść.
Što treba viedać, karystajučysia alejami
Kali ŭ daŭninu vykarystańnie raślin u jakaści lekaŭ ci kaśmietyki było bolš spravaj praktyki, to ciapier navukoŭcy dakładna vyśviatlajuć karysnyja ŭłaścivaści roznych rečyvaŭ i stvarajuć admysłovyja kaśmietyčnyja kambinacyi. Prykład — sieryja kaśmietyki z alejem sača inčy. Heta i kremy, i srodki dla vałasoŭ.
Kaśmietołah studyi pryhažości «OStudyja» Volha Paŭłoŭskaja znajomicca z novaj sieryjaj kaśmietyki z alejem sača inčy ad «Bielity-M».
Niekatoryja spažyŭcy sprabujuć rabić takija kambinacyi samastojna, dadajučy naturalnyja 100%-nyja alei ŭ kremy, šampuni, maski, sprei i inšyja srodki. Ale pry hetym dapuskajuć šmat pamyłak. Pra najbolš raspaŭsiudžanyja nam raspaviała kaśmietołah studyi pryhažości «OStudyja» Volha Paŭłoŭskaja.
Čysty naturalny alej nielha nanosić u čystym vyhladzie — možna atrymać apiok. Asabliva heta datyčycca srodkaŭ dla dohladu za skuraj tvaru. Čym bolš adčuvalnaja skura, tym mienšaj pavinna być kancentracyja naturalnaha aleju.
Kali vy raniej nie karystalisia alejami, praviadzicie test na mahčymuju alerhičnuju reakcyju. Dla hetaha naniasicie srodak na ŭnutranuju častku łokcievaha zhibu ci za močku vucha. Kali na praciahu 12 hadzin vy nie zaŭvažycie niepryjemnych adčuvańniaŭ, razdražnieńnia skury — śmieła vykarystoŭvajcie hety srodak.
Kali vy nie viedajecie, jaki alej padydzie vašaj skury, to racyjanalna źviarnucca da śpiecyjalista. Časam samastojna ciažka vyznačyć typ skury, a pamylicca z alejem i jaho daziroŭkaj vielmi prosta. Vylečyć paśla skuru ad apiokaŭ, pačyrvanieńnia i hetak dalej budzie nie tak prosta, jak zdajecca. Darma ryzykavać dakładna nie varta.
Kali vy vyrašyli samastojna vyrabić, naprykład, krem z alejami, to zrabić heta lepš niepasredna pierad prymianieńniem.
Možna pasprabavać palepšyć svoj krem, uzbahaciŭšy niekalkimi kroplami aleju.
U nievialikich dozach (4—5 kropiel) možna dadavać efirnyja alei ŭ łaśjony, hieli dy inšyja srodki dla cieła. Ale, što važna, pieryjadyčna. Kali vy ciaham 10 dzion vykarystoŭvajecie srodki, bahatyja na efirnyja alei, to nastupnyja 20 dzion treba dać skury adpačyć.
Možna nabyć i hatovy srodak u aptecy ci kramie. Ale karystacca im nieabchodna stroha pa prapanavanaj instrukcyi.
Nie karystajciesia srodkam paśla zakančeńnia terminu prydatnaści. Kali na ŭpakoŭcy napisana, što krem treba prymianiać dva razy na tydzień, to tak i varta rabić.
Nie vykarystoŭvajcie načny krem udzień. U dzionnych i načnych srodkach utrymlivajecca roznaja kolkaść efirnych alejaŭ. Vykarystańnie načnoha kremu dniom nie toje, što naškodzić, ale moža prosta niepryhoža vyhladać. Skura budzie zdavacca tłustaj ci pakryjecca plonkaj.
Padbirajučy vodar, davierciesia ŭ pieršuju čarhu svaim ułasnym adčuvańniam, tady vykarystańnie efirnych alejaŭ budzie pa-sapraŭdnamu pryjemnym i karysnym.
Ačyščalnyja, supraćzapalenčyja, antysieptyčnyja i hajučyja ŭłaścivaści — heta daloka nie poŭny śpis pieravah naturalnych alejaŭ. Ale kali efiektu, jakoha vy čakali ad vykarystańnia kaśmietyki z alejem, dasiahnuć nie ŭdałosia, mahčyma, arhanizmu patrebnaja dapamoha znutry. Kaśmietyka z alejami nie ŭsiemahutnaja. Kali jość surjoznyja prablemy sa zdaroŭjem, treba źviarnucca da prafiesijanałaŭ.
TAA «Bielika-M», UNP 190839042