U restaranie «Pajedziem pajadzim» nasupierak abiacańniam Zajdesa hulała viasielle i hrymieŭ salut
18.08.2018 / 09:14
Aktyvist Źmicier Daškievič apublikavaŭ ŭ Facebook videa viasielnaj hulanki, jakaja adbyvałasia ŭ kompleksie z restaranam «Pajedziem pajadzim», jaki adkryli kala miesca stalinskich rasstrełaŭ i pachavańniaŭ u Kurapatach.
Paźniej, kala 21.30, nad miescam hulanki hrymieŭ salut.
U lipieni Hienprakuratura paviedamiła, što hety ziamielny ŭčastak «maje abciažarańnie ŭ vykarystańni» - vyklučajucca ŭsie vidy «hučnych mierapryjemstvaŭ», arhanizacyi adpačynku na adkrytym pavietry. Hetaje abmiežavańnie tłumačyłasia «nieabchodnaściu vyklučyć parušeńnie sakralnaha charaktaru prylehłaj z uschodniaha boku historyka-kulturnaj kaštoŭnaści».
20 lipienia padčas pres-kanferencyi suzasnavalnik restaracyi «Pajedziem pajadzim» Leanid Zajdes, jak i raniej dyrektarka Śviatłana Dubkova, padkreśliŭ, što heta siamiejnaja restaracyja, a nie zabaŭlalny kompleks. Jon harantavaŭ, što tam nie budzie hučnaj muzyki, fiestyvalaŭ, salutaŭ i fiejervierkaŭ. Tolki spartovyja pieradačy, dadaŭ jon.