Inžyniery NASA tak i nie zmahli źviazacca z marsachodam Opportunity
27.08.2018 / 16:41
Śpiecyjalisty NASA paviedamili pra toje, što adnavić suviaź z marsachodam Opportunity pakul nie ŭdajecca, choć bura, jakaja paškodziła marsachod, užo pačała ścichać, piša Science Alert.
Fota: NASA.
Aparat Opportunity bolš za dva miesiacy tamu pierajšoŭ u avaryjny stan, u jakim amal usie jaho sistemy adklučanyja. Pryčynaj była pyłavaja bura, jakaja nakryła amal usiu płanietu.
Marsijanskaja bura nie tolki zabłakavała śviatło dla soniečnych panelaŭ Opportunity, ale i pakryła ich pyłam. Hetyja ŭdary rezka źnizili zdolnaść zachoŭvać i vykarystoŭvać elektryčnuju enierhiju, jakaja nieabchodnaja, kab zaradžać akumulatar, zapuskać nahravalniki i pieradavać danyja na Ziamlu.