З'явіліся першыя ФОТЫ расійскага прэм'ера Мядзведзева пасля яго працяглай адсутнасці
28.08.2018 / 22:48
Прэм'ер-міністр Расіі Дзмітрый Мядзведзеў упершыню, пасля таго, як атрымаў «спартыўную траўму», папрысутнічаў на працоўнай сустрэчы. Ён правёў перамовы з часова выконваючым абавязкі губернатара Ніжагародскай вобласці Глебам Нікіціным, паведамляецца на сайце ўрада Расіі.
Фота: урад Расіі.
На мінулым тыдні СМІ паведамілі пра «знікненне» кіраўніка расійскага ўрада, якога, па іх даных, «не бачылі ўжо дзевяць дзён». Выданне «Праект» паведамляла, што адмянілі «шмат важных мерапрыемстваў», запланаваных у графіку Мядзведзева.
Фота: урад Расіі.
Пазней у прэс-службе кабінета міністраў адсутнасць прэм'ера растлумачылі яго спартыўнай траўмай.