Łaŭroŭ zajaviŭ, što zabojstva Zacharčanki — pravakacyja, skiravanaja na zryŭ minskich damoŭlenaściaŭ
Kiraŭnik MZS Rasii Siarhiej Łaŭroŭ nazvaŭ zabojstva kiraŭnika samaabvieščanaj «DNR» Alaksandra Zacharčanka «adkrytaj pravakacyjaj», skiravanaj na zryŭ vykanańnia minskich damoŭlenaściaŭ.
01.09.2018 / 16:54
Ministr zamiežnych spraŭ Rasii Siarhiej Łaŭroŭ zajaviŭ pra niemahčymaść viadzieńnia pieramoŭ u «narmandsim farmacie» paśla likvidacyi Alaksandra Zacharčanka.
Jak pieradaje ŭłasny karespandent UNIAN u Rasii, pra heta Łaŭroŭ skazaŭ žurnalistam.
«U ciapierašniaj situacyi, viadoma, niemahčyma razmaŭlać pra bližejšyja sustrečy ŭ «narmandskim farmacie», jak hetaha chacieli mnohija jeŭrapiejskija partniory. Heta surjoznaja situacyja, jakuju treba praanalizavać. My zaraz hetym zajmajemsia», — skazaŭ Łaŭroŭ.
«Heta pravakacyja, adkrytaja, nakiravanaja na zryŭ vykanańnia minskich damoŭlenaściaŭ. Jany, praŭda, i tak nie vykonvalisia kijeŭskimi ŭładami», — dadaŭ jon.